https://www.facebook.com/mcpololk អ្នកគាំទ្ររបស់ Barcelona ពិតជាបានឃើញហើយថា ក្រុមមួយនេះស៊ុតចូលគេ ១ឬ២គ្រាប់ហើយមិនងាយនឹងចុះទប់នោះទេ ហើយតែងតែឃើញក្រុមនេះបន្តបង្កើតឱកាសសម្រុករហូតបើទោះការប្រកួតមានស៊ុតខុសគោលដៅឬស៊ុតមិនចូលបែបណាក្ដីគឺនៅតែសម្រុក។ តាមពិតនេះក៏ព្រោះតែចំណង់ចំណូលចិត្តរបស់ Hansi Flick អ្នកចាត់ការរបស់ក្រុមអ្នកមានបុណ្យថារីករាយនៅពេលដែលមានគ្រាប់ច្រើនៗ។

ក្រោយការប្រកួតចប់ដែលយកឈ្នះ Real Mallocar ៥-១ នៅក្រៅដីក្រុមអ្នកមានបុណ្យ Barcelona បង្កើតភាពភ្ញាក់ផ្អើលជាថ្មីតាមរយៈការស៊ុតដៃគូច្រើនៗគ្រាប់។ ក្រោយប្រកួតចប់ភ្លាមលោក Hansi Flick បាននិយាយថា«ការរកគ្រាប់បាល់ជារឿងសំខាន់ណាស់សម្រាប់ពួកយើង។ យើងបានបង្កើតឱកាសជាច្រើន ប៉ុន្តែយើងធ្វើមិនល្អនៅពេលបញ្ចប់ទី តែយ៉ាងណាការប្រកួតនេះខ្ញុំពិតជារីករាយណាស់ដែលយើងអាចស៊ុតបាន៥គ្រាប់»។

លោកបានបន្ថែមទៀតថា ពេលវេលាដែលពិបាកខ្លាំងក្នុងខែវិច្ឆិកា បានបញ្ចប់ទៅហើយខែធ្នូនេះកីឡាកររបស់យើងបានជាពីរបួសច្រើន ដែលធ្វើឲ្យក្រុមហាក់មានលំនឹងល្អពិសេសគឺការរៀបចំកីឡាករលេងលើទីលាន។ “ទោះជាយ៉ាងណាសម្រាប់ខ្ញុំការរកគ្រាប់បាល់ច្រើនៗជារឿងចាំបាច់” នេះជាការបញ្ជាក់របស់ Hansi Flick ។