បរទេស៖ នាយប់រំលងអាធ្រាត្រឈានចួលថ្ងៃ​ទី ២៥ ខែវិច្ឆិកា ឆ្នាំ២០២៤​ នេះ Leganes បានបើកទ្វាកីឡាដ្ឋាន Estadio Municipal de Butarque របស់ខ្លួន ទទួលក្រុមភ្ញៀវ Real Madrid  នៅក្នុងការប្រកួតសប្ដាហ៍ទី ១៤ នៃក្របខណ្ឌ La Liga របស់​ អេស្ប៉ាញ។

ជាការពិតណាស់ នៅក្នុងការប្រកួត ក្រុមភ្ញៀវ Real Madrid ពិតជាធ្វើបានល្អមែនដោយបញ្ចប់ការប្រកួត ៩០ នាទីពេញ ពួកគេទទួលបានជ័យជំនះទៅលើក្រុមម្ចាស់ផ្ទះ Leganes ៣​​ ទល់នឹង​ ០។

ក្នុងនោះ ៣ គ្រាប់របស់ Real Madrid គឹរកបានដោយ Kylian Mbappe នៅនាទីទី ៤៣, Federico Valverde នៅនាទីទី ៦៦ និង Jude Bellingham នៅនាទីទី ៨៥។

គួរបញ្ជាក់ផងថា Real Madrid បច្ចុប្បន្នកំពុងឈរនៅលេខរៀងទី ២ ក្នុងតារាងចំណាត់ថ្នាក់ La Liga ក្រោយឆ្លងកាត់ ១៣ ប្រកួតកន្លងមក ពួកគេឈ្នះ ៩ ស្មើ ៣ និងចាញ់ ១ មាន ៣០​ ពិន្ទុ ដោយឡែកក្រុម Leganes វិញ កំពុងឈរនៅលេខរៀងទី ១៤ ក្រោយឆ្លងកាត់ ១៤ ប្រកួត ឈ្នះ ៣ ស្មើ ៥ និងចាញ់ ៦ មាន ១៤ ពិន្ទុក្នុងដៃ។